श्रमजीवि युवा कृषक समूहद्वारा मिट मार्ट कोल्ड स्टोर तथा खाजा घर सञ्चालन

माडीका युवाहरुको व्यवसायिक प्रतिष्ठान श्रमजीवि युवा कृषक समूहले हिजोदेखि माडीको बरुवामा श्रमजीवि मिट मार्ट, कोल्ड स्टोर तथा खाजा घर सञ्चालनमा ल्याएको छ । आयातको बिस्थापन, निर्यातको प्रबद्र्धन, समृद्ध राष्ट्र निर्माणमा युवा लगानी अभियान भन्ने नारासहित स्थापित सो मिट मार्टको आज एक कार्यक्रमबिच माडीका नगरप्रमुख ठाकुर प्रसाद ढकालले उद्घाटन गर्नुभयो ।

हिजो सम्पन्न उद्घाटन समारोहमा माडी नगरपालिकाका विभिन्न वडाका वडाध्यक्षहरुसंगै सामाजिक अगुवाहरु सहभागी रहेका थिए । कार्यक्रमलाई सम्बोधन गर्दै नगर प्रमुख ढकालले युवाहरुले स्थापना गरेको सो सामुहिक व्यवसायको प्रशंसा गर्दै नगरपालिकाबाट सक्दो सहयोग गर्ने जनाउनुभयो । स्वदेशमै स्वरोजगार हुन चाहने युवाहरुलाई नगरपालिकाले ४ प्रतिशत व्याजदरमा ऋण उपलब्ध गराउने उहाँको भनाई थियो ।

बरुवा बजारमा स्थानीय युवाहरुले सामुहिक रुपमा करीब १५ लाख लगानी गरी सो मिट मार्ट, कोल्ड स्टोर तथा खाजा घर स्थापना गरेका हुन् । समूहमा माडीका सक्रिय युवाहरु नारायण प्रसाद अधिकारी, टिकाराम सुवेदी, बिपिन पाठक र लोकराज पोखरेल सदस्य रहनुभएको छ ।

यसमा तपाइको अभिमत

सम्बन्धित शीर्षकहरु